صينية بطاطس بالكبدة

من طرف **MUSLIM MUTMARD** الخميس نوفمبر 10, 2011 6:35 pm

اولا المقادير:

نص كيلو كبده

حبتين بطاطس او اكتر زي ما تحبي

شبت وبقدونس وكزبره خضراء

حبتين طماطم كبيره

بصلتين متوسطتين

خمس فصوص توم كبيره

شطه خضراء حسب الرغبه

بهارات ملح فلفل كمون بهارات السبعه خلطه بتيجي مع بعض لو مفيش مش مشكله

نيجي بقي للخطوات :

1-نقطع الكبده مكعبات

2-نقطع البصل ناعم والثوم

3-نضع البصل في الصينيه ونشوحه علي النار لحد ما يدبل
وبعدين نضيف الكبده ونشوحها معاه ونضيف البهارات ما عدا الملح هيبقي اخر
حاجه بعدين نضيف الثوم ونسيبها شويه علي نار هاديه ومتغطيه عشان تنزل الميه بتاعتهاوبعدين نضيفلها شوية مايه تاني ونسيبها علي نار هاديه ربع ساعه عشان تستوي شويه

بعدين نفرم الشبت والكزبره والبقدونس والشطه ونضيفهم
ونقلب ونسيبهم شويه مع بعض ونكون فرمنا الطماطم في الخلاط نضيفها ونسيها
تغلي ربع ساعه كمان لحد ما تقرب تشرب الصلصه

بعدين لما تقرب تنشف نقطع البطاطس نكعبات ونضيفها مع تقليبه ونضيف الملح
ونزود شويه مايه وتدخليها الفرن بورق فويل او من غيره لحد ما تستوي البطاطس
ويبقي وشها محمر شويهزي الصور دي والف هنا وشفا انا بقدمها مع رز ابيض
ومخلل وسلطه او بعيش بتبقي تحفه

من طرف **TRIPLE A** السبت نوفمبر 12, 2011 9:41 am

والله ريحة الاكلة روعة هخهههه

صينية بطاطس بالكبدة

صينية بطاطس بالكبدة

رد: صينية بطاطس بالكبدة